Sipas deputetit të Partisë Demokratike Agron Gjekmarkaj, gjuha e përdorur nga Lulzim Basha ndaj Berishës është e ndjeshme në krahasim me këtë të fundit i cili sipas tij nuk ka kursyer asgjë.
I ftuar në emisionin “Real Story”, Gjekmarkaj u shpreh se Berisha zgjodhi luftën në vend që të ishte një personazh mallëngjimi.
“Lulzim Basha nuk është mermer, është njëri. Ai është treguar i ndjeshëm, por Berisha s’ka kursyer asgjë në raport me Bashën saqë Taulant Balla duket modest përballë akuzave të tij.
Kriza nuk ka ardhur nga goditja e SHBA-ve por nga goditja qe Berisha i ka bërë PD-së për interesat e veta.
Berisha duhej të rrinte deputet e të martirizohej, një personazh kaq epik mund të na jepte shkak për mallëngjim.
Por ai zgjodhi luftën që ngarkohen me sendimente anti-amerikane.
Ai iu turr Lulzim Bashës dhe PD-së. Anashkaloi cështjen non grata duke spostuar etapat e krizës”- tha ai.
