Deputetja Mesila Doda e ka cilësuar të tepërt padinë që PD bëri në SPAK ndaj zyrtarëve të Kuvendit të rithemelimit të partisë. Përmes një postimi në Facebook, Doda shkruan se te kishin patur “kaq zell kundra Edi Ramës sa kanë kundër njëri-tjetrit, sot do ishim maxhorancë”. Ajo i bën thirrje opozitës që të ulë armët dhe inatet me njëri-tjetrin, pasi askush nuk mund të shkelmojë sakrificat e atyre që themeluan partinë.
Postimi i Mesila Dodës:
Kjo eshte e tepert… PD con ne SPAK deputete te PD, luftetare te vijes se pare. Kjo eshte e papranueshme, eshte tej çdo limiti.
Te kishin pas kaq zell kundra Edi Rames sa kane kunder njeri-tjetrit, sot do ishim maxhorance. Ulni “armet” e mendoni para se te veproni. Ai qe eshte perballe jush sot, eshte nje si ju dhe per asnje arsye nuk mund te shqyheni ne kete menyre me njeri-tjetrin. Hiqni inatet e ftohni mendjen. Kjo nuk eshte PD me e forte e me e bashkuar e askush nga ju nuk ka te drejten te shkelmoje e mbyse sakrificat e atyre qe e themeluan dhe e mbrojten.
