Avokati Altin Goxhaj ka denoncuar në Facebook mbrëmjen e sotme se kryetari i Bashkisë së Tiranës, Erion Veliaj po feston ditëlindjen e tij në Paris, së bashku me 120 miq.
Altin Goxhaj pyet me ironi nëse ditëlindjen po e feston me paratë që vijnë nga kursimet e mamasë që nuk kanë mbaruar ende, apo me paratë që ka marrë nga inceneratorët.
Postimi i Altin Goxhajt
Më shkruan një mik nga Parisi:
Eri Plehri po feston Ditëlindjen me 120 miq në Paris? Kush janë këta miqtë?
Kush paguan? Mami me kursimet e saj??? Pse s’ju mbaruan asaj?
Apo i kanë mbet ca pa harxhu nga iceneratorët???
Po Blushi? Edhe ai në Paris? Çfarë dhurate vallë i ka çuar?
Një kosh plehrash me fjogo nga atë të Klodian Zotos?
SPAK ka goditur së fundmi skandalin me inceneratorët në vendin tonë, duke arrestuar ish-Ministrin e Mjedisit Lefter Koka. Ai u prangos në shtëpinë e tij në Durrës dhe më pas u transferua në Drejtorinë e Policisë në Tiranë.
Sipas SPAK, Ministria nuk ka kryer veprimet e plota përgatitore për dhënien e koncensionit. Gjithashtu SPAK ka konstatuar se në rastin e këtij koncensioni është aplikuar procedura me negocim pa shpallje paraprake, kur këtë gjë e përjashton ligji.
