Deputeti i PD-së Bujar Leskaj, ka reaguar në lidhje me publikimin e pagave dhe të dhënave personale të mbi 630 mijë punonjësve shqiptarë në sektorin publik dhe privat.
Leskaj shkruan se “ i njëjti mentalitet komunist, fashist e diktatorial nga ai që me petkun e “demokratit” instalon diktaturën, na largon nga BE, na “vëllazëron” me serbët dhe shet Shqipërinë e Kosovën!”.
POSTIMI I LESKAJT:
“Një tjetër megaskandal i sektit Rama! Pas masakrës zgjedhore të 25 prillit 2021, kur ky sekt, nëpërmjet patronazhistëve vodhi të dhënat personale në të qindra- mijëra qytetarëve shqiptarë nga e- Albania për t’i shantazhuar e për t’u grabitur e blerë votën, sot ndodh e njëjta gjë! Të dhënat personale, pagat në sektorin publik e privat, tatimet, kartat e identitetit dalin në ditën për diell!
Gjithçka në shërbim të shtetit dhe qeverisë socialiste! Të këtij sekti që ka kapur për fyti Shqipërinë dhe shqiptarët dhe do të dijë cilën parti voton, cilën do të mund votosh, ku punon, sa paguhesh, sa kursime ke, çfarë hallesh ke! Gjithçka në funksion të pushtetit të tyre! Të këtij pushteti që përdor të dhënat personale për të mbjellë frikë e terror psikologjik!
I njëjti mentalitet komunist, fashist e diktatorial nga ai që me petkun e “demokratit” instalon diktaturën, na largon nga BE, na “vëllazëron” me serbët dhe shet Shqipërinë e Kosovën!”, ka shkruar ai.
