Komisioni i përkohshëm i Rithemelimit të PD kanë mbajtur një konferencë për median në selinë blu, për t’i dorëzuar ish kreut të PD, Lulzim Basha, verdiktin e Kuvendit të 11 Dhjetorit për shkarkimin e tij nga posti.
Belind Këlliçi deklaroi para medieve se Basha ka afat që deri më 5 janar të dorëzojë komisionit të Rithemelimit dokumentat për ikjen nga detyra.
“Jemi këtu për të bërë një komunikim në lidhje me letër dorëzuar z. Lulzim Basha dhe për dijeni trupit diplomatik në Shqipëri. Në të thuhet: z.deputet, PD është detyruar të përballet me një sërë sfidash serioze, por që nuk e kanë tronditur moralin e demokratëve. Fatkeqësisht dhe jashtë vullnetit të tyre, demokratëve u është dashur të përballen me mosfunksionimin e organeve. Në këto kushte, një grup deputetësh, anëtarë dhe drejtues, në përputhje me ndryshimet statusore morën përgjegjësinë e thirrjes së Kuvendit të 11 Dhjetorit. Në vendimin nr. 6, Kuvendi i PD ka vendosur shkarkimin tuaj nga detyra për thyerje të rëndë të statusit të PD-së.
Me anë të këtij dokumenti ju ftoj të njihei me vullnetin me organet më të larta të kësaj partia. Të merrni masat për të jetësuar vullnetin e qartë të mijëra anëtarëve. Të dorëzoni menjëherë dokumentat deri më 5 janar të 2022”tha Këlliçi ndër të tjera
