Një postim i deputetit demokrat Kreshnik Çollaku që ironizonte primaret që po zhvillohen nga Komisioni i Rithemelimit për të zgjedhur kandidatët e 6 Marsit, ka përplasur deputetin me ish-kryetaren e AMA-s, Endira Bushatin, anëtare e PD-së.
“Mund ti quash primare,mund ti quash koncert,kampionat tenisi ose lojra olimpike..,e pse mos ta besh kur vete firmos e vete vulos”, shkruhet në postimin e Çollakut që hapi debatin mes tij dhe Bushatit.
Në koment Endira Bushati shkruan se demokratët janë në radhë dhe po votojnë për të preferuarit e tyre, por e menjëhershme ka qenë edhe përgjigja e Çollakurt, i cili shprehet se fituesit dihen, duke përmendur edhe disa prej tyre.
Por edhe Bushati nuk është tërhequr nga debati dhe i ka thënë Çollakut se ai nuk është votuar kurrë nga forumet e Partisë Demokratike, ndërsa deputeti i ëhstë përgjigjur duke i thënë se s’ka shijuar asnjëherë emërim në funksione politike, por ëhstë votuar nga njerëzit.
Pjesë nga debati mes tyre:
Çollaku: Mund ti quash primare,mund ti quash koncert,kampionat tenisi ose lojra olimpike..,e pse mos ta besh kur vete firmos e vete vulos
Bushati: Nuk mbulohet dielli me shoshë Kreshnik….eshte nje shprehje…. Radhet jane me demokrate, as me klone, as punonjes call center… Nuk ka te verber me te madh se ai qe nuk do të shohë….eshte nje shprehje tjeter….
Çollaku: A do te ti them te shpallurit fitues,pa mbaru votimi e numerimi ?? Qe tani. Ne shkoder Bardhi,Ne Diber Premtim,ne Durres Ardiani..,ska nevoje ti votosh e numerosh hic. Nese nuk del keshtu ne darke te kerkoj ndjese. Nese del me ke borxh ti mua nje ndjese
Bushati: Në çdo garë ka perceptime dhe favorite Kreshnik….se po na çudit tani…..Pyetja ime per ty vazhdon te jete: keta qe jane radhe per te votuar, çfarë janë????? I sheh, i numeron?
Çollaku: Ne darke flasim. Nese del c them e mirpres nje ndjese. Nese jo te sigurte e bej une
Bushati: Pergjigjju pyetjes mbi votuesit demokrate….se dhe une kam nje parashikim se kush fiton….dhe kjo eshte normale!
Çollaku: Ti ke pritur besnikerisht cdo here emerimin.
Bushati: Une jam zgjedhur me vote nenkryetare e FRPD, anetare e keshillit kombetar te PD, qe nga 2003…..jam propozuar per Kryesi te PD ne 2005 dhe nuk kam fituar…..Ti pse e mohon qe ke kandiduar per Partine PDR per zgjedhjet lokale ne Tirane me slloganin “une guxoj”……s’te pelqen????
Çollaku: Shume. E sheh ty te ka ngrl ne mendje si supersllogan. Kjo esjte diferenca e votes dhe emerimit.
Bushati: o Kreshnik ne slloganin tend e kemi pasur barcalete ne PD deri vone…. Ti kur je votuar ndonjehere ne forumet e partise???? Se une t’i tregova rastet e mia! Dhe duhet t’i pergjigjesh pyetjeve dhe te mos i anashkalosh….ose mos u pergjigj fare!
Çollaku: Cdo here,asnjehere skam shijuar emerim ne funksione politike. Por me beso shija me e madhe eshte kur te votojne njerezit jo partia. Ti mbase e ke shije te paprovuar por me beso e vlen me cdo lloj kostoje.
Bushati: Une per fat kam shijen te jem votuar ne FRPD mes studentesh e pedagogesh, mes anetareve te Keshillit Kombetar…..shijen me te emeru deputet Luli nuk e kam pasur, e vertete…..ne fillim u merzitem te gjithe bashke e mban mend? Ishe ti i pari qe krijove grupin e pare te ëhatsappit kundra Lulit….e mban mend? Pas nja 1 viti nga 2017, kuptova qe duke mos na emeruar deputete, Luli na kishte bere nderin me te madh ne jete…..
Çollaku: 100 kritika kam pas atehere e po aq kam dhe sot. Ia kam thene ia them e do ia them prape e prape. Por qe primaret si iluminim demokratik pas 31 vitesh emerim,nuk e besoj dot
