Kyeministri Edi Rama dëshmoi në Komisionin Hetimor për inceneratorët, teksa pak më parë ka patur edhe ngritje tonesh mes tij dhe deputetit demokrat Luçiano Boçi.
Në një moment kutr Rama po fliste, Boçi e ka ndërprerë, ndërkohë që Rama nuk e ka pritur mirë dhe i është drejtuar deputetit me fjalët “nuk ka lindur ai burrë që më ndërpret mua”.
E menjëhershme edhe kundërpërgjigja e Boçit, i cili tha se burrnia nuk tregohet në Komision por në vend tjetër.
Rama – Boçit: Jeni deputet i një qyteti që deri dje vuante si qen nga helmi, nga tymi, mbytja. Nuk hapnit dot dritaret në orën 5-6 pasdite. Kjo është historia e elbasanasve pa dallim. Kush do nga unë përgjigje të thatë, do ketë përgjiigje të thatë. Kuhs e bën pyetjen me kontorno, do marri përgjigje me kontorno. Këto janë punët e mia, që Elbasani që po mbytej t’ia hiqja lakun nga fyti.
(Luçiano Boçi e ndërpret)
Boçi: Do të pyes për atë, edhe për pluhurin, edhe për hirin kancerogjen
Rama: Do ta kisha dhënë 3 herë
Boçi: Po ndërprite tani dhe thuaje
Rama: Akoma nuk ka lindur ai burrë që mua më ndërpret
Boçi: Nuk tregohet këtu burrnia, tregohet në vend tjetër
Rama: Nuk ka burrë që më ndërpret mua
Boçi: Pse? Se je me mikrofon dhe ke ata pas dhe tregon burrninë ti? Pse kaq të vogël e ke burrninë ti?