Ministrja e Punëve të Jashtme, Olta Xhaçka ka dënuar ashpër agresioni rus mbi konsullatën e Shqipërisë në Ukrainë.
Përmes një postimi në Twitter, ministrja thotë se autorët e ngjarjes duhet të mbajnë përgjegjësi të plotë.
“Shqipëria dënon ashpër agresionin rus që çoi në shkatërrimin e Konsullatës së Nderit të Shqipërisë në #Kharkov. Autorët duhet të mbajnë përgjegjësi! #StopAgresionitRus#QëndroniMeUkrainën”, shkruhet në faqen zyrtare të ministrisë.
Ditën e sotme Konsullata e Nderit e Republikës së Shqipërisë në Ukrainë është sulmuar nga forcat ruse të cilat prej dymbëdhjetë (12) ditësh kanë nisur agresionin e tyre. Fatmirësisht, Konsulli i Nderit dhe stafi janë aktualisht të sigurtë dhe nuk ka asnjë person të lënduar, por vetëm dëme materiale.
