Analisti Baton Haxhiu thotë se zgjedhjet e 6 Marsit nuk ishin garë për bashkitë, por një sfidë mes Lulzim Bashës dhe Sali Berishës.
Haxhiu tha se Partia Demokratike nuk ka më lider, pasi sipas tij, ai u vra nga kundërshtarët politikë dhe analistët në studiot televizive.
“Gara ishte një përpjekje për të rrënuar Bashën”, u shpreh Haxhiu në emisionin “Opinion”. “Bashën e vratë ju (Fevziu), Berisha, Shkullaku, Rama…”, vijoi ai.
Pjesë nga debati në studio:
Baton Haxhiu: Kjo garë nuk është për kryetarë për Bashkie. Kjo garë është përpjekje për të rrënuar Lulzim Bashën. Aleati më i rëndësishëm i këtyre zgjedhjeve, i Edi Ramës, është Sali Berisha dhe Ilir Meta, pse foltorja dhe pika non-grata kanë ndërtuar narracionin kundër Bashës. .
E gjithë gara është ndërtuar kundër Bashës, në fushatë, në studio televizive. Dhe presidenti i republikës, duke shkelur çdo etikë, vendos të shpallë zgjedhjet, vetëm të rrënojë Lulzim Bashën. Që në momentin që u shpall Berisha non-grata, ndërtoi fushatën e tij mbrojtëse duke sulmuar njeriun e tij.
Baton Haxhiu: Lulzim Basha dhe Sali Berisha kanë bërë betejë me njëri-tjetrin, jo për bashki. Dhe lideri që ka shkatërruar PD-në, PD-ja s’ka lider, e vranë, ti, Shkullaku, Berisha, Edi Rama…
Blendi Fevziu: Këtë nuk mund ta thuash, në këtë studio palët kanë qenë të barabartë, nuk mund të vish në këtë studio dhe të thuash provokim. S’mund të vish e të më thuash mua e ke vrarë. Unë i kam qëndruar një teze…
