Analisti Artur Zheji dh Fatos Lubonja kanë folur për situatën në Partinë Demokratike dhe zhvillimet e ditëve të fundit. I pyetur për zgjidhjen e krizës në PD, Zheji tha në “Neës 24” se kjo krizë në ditët në vijim jo vetëm që nuk do të zgjidhet, por do të shtohet edhe më tej.
“Nuk kemi bashkim të PD, kemi një nënshtrim të një pale ndaj palës tjetër, është forca dhe karizma e Berishës, që siç u shpreh, të paktën ai ka si kapital politik zgjedhjet e 6 Marsit, pavarësisht se është humbës ndaj Ramës, dhe së dyti që e bën më të fortë karizmën e Berishës, është dorëheqja e Bashës. Kjo krizë do duket sikur do zgjidhet por do shtyhet për një moment të dytë dhe do shpërthejmë më vonë më e madhe”, u shpreh Zheji.
Ndësra Fatos Lubonja tha se është e dhimbshme që në fakt nuk flitet për çështje me rëndësi, apo duke e kthyer vëmendjen tek opozita. Krizën në PD ai e ka quajtur krizë personash dhe jo për institucionin e opozitës.
“Është e dhimbshme që po merremi kaq shumë me opozitën dhe nuk merremi me atë që duhet të merremi, të kemi një opozitë kundër pushtetit. Është krizë personash dhe jo liderësh apo institucioni të opozitës, më shumë duket se nuk kemi bashkim por kemi nënshtrim, kjo është mospërdorim i krizës për zgjidhje”, tha Lubonja.
