Analisti Frrok Çupi ka paralajmëruar arrestime në nivele të larta në Shqipëri. Ai tha se me ndërhyrjen e SHBA drejtësia do të çojë pas hekurave funksionarë te lartë.
Çupi ka numëruar dhe skandalet e Sali Berishës.
“Ne kemi qenë në një periudhë tmerrësisht shumë të vështirë kur ka qeverisur Sali Berisha. Në kohën kur është stimuluar njëra pjesë e popullit për të vdekur pjesën tjetër. Është stimuluar gropa e madhe financiare vetëm me arsyen që të lahen paratë e grabitura ilegalisht nga kupola e shtetit. Është stimuluar në këtë vend vrasje protestuesish. Është stimuluar një epokë tmerrësisht më e keqe se diktatura që lamë pas. Amerika është me ne. Janë në rradhë shumë të zyrtarë të lartë në Shqipëri që do të shpallen non grata dhe më pas sigurisht do të shkojnë përpara drejtësisë. Mos harrojmë që në Shqipëri kanë shpëtuar pasi kanë ndërhyrë tek drejtësia. Tani jetojnë në luks bashkë me bashkëpunëtorët e tyre. Në vitin 92′, kur Berisha ishte President kishte bashkëpunëtorë të zellshëm në vjedhjen e parave të embargos së naftës. SHBA do ti vendosë në rresht duke krijuar indicie që drejtësia e re ti çojë pas hekurave”, tha Çupi.
