Komisioni i Ligjeve ka miratuar raportin edhe pse në raundin e parë nuk ka asnjë emër për kandidat për presidentin e ri, sot do të zhvillohet seanca plenare.
Në raportin e tij Eduart Ndreca tha se votimi quhet i kryer edhe pse nuk është paraqitur asnjë kandidaturë.
“Votimi quhet i kryer edhe kur në konkurrim nuk paraqitet asnjë kandidat” tha ai, ligj që është edhe në Kushtetutë.
Ky raport është miratuar nga mazhoranca që ishte prezente në Komisionin e Lagjeve, ndërsa një pjesë e opozitës nuk mori fare pjesë në votim duke abstenuar dhe është dërguar për votim në Parlament.
“Atëherë miratohet raporti, ti përcillet seancës plenare për votimin e sotëm” tha Klotilda Bushka.
Ndërsa pasdite në orën 17.00, Kuvendi i Shqipërisë zhvillon raundin e parë të votimit.
Në Kushtetutë thuhet se në 3 raundet e para të votimit duhet që kandidati të marrë të paktën 84 vota për t’u zgjedhur në krye të shtetit, ndërsa në raundin e 4 dhe 5 mjafton shumica e deputetëve të Parlamentit, 71 vota.