Prokurori i Përgjithshëm Olsian Çela thotë se ka patur raste kur prokurorë janë kërcënuar apo janë ndjerë të kërcënuar, ndërsa Këshilli i Lartë i Prokurorisë i ka ofruar atyre mbrojtje.
Megjithatë Çela shtoi gjatë dëgjesës në Komisionin Çështjet Ligjore, Administratën Publike dhe të Drejtat e Njeriut, se nuk është informuar, pasi ligji ia ka lënë këtë detyre KLP-së. Ai ngriti pyetjen se si Prokurori i Përgjithshëm nuk mund të jetë në dijeni kur kërcënohen prokurorët ndaj kërkoi rishikim të ligjit, për kompetencat e kryeprokurorit.
“Shqipëria po bën një sakrificë për magjistratët, ka mbrojtje për ta, trajtohen më mirë se kushdo, KLP është shprehur edhe për disa raste kur ata janë ndjerë të kërcënuar. Në asnjë rast nuk është informuar prokuori i përgjithshëm? Si nuk mund të informohet prokurori i përgjithshëm që kërcënohen prokurorët e vetë?
Nuk ia ka lënë ligji, ligji ia ka dhënë KLP-së këtë. Prokurori i Përgjithshëm nuk ka pasur asnjë presion politik sot. Prokurorët sot që trajtohen më mirë nga kushdo, nuk u falet të jenë rrobër. Nëse s’bëjnë as këtë, s’qenka çështje sistemesh e ligjesh, por çështje njerëzish”, u shpreh Çela.
