Kryeministri Edi Rama e nis ditën me një njoftim për të gjithë vogëlushët, se sot hap dyert Kopshti Zoologjik i Tiranës. Një investim që e ka transformuar atë tërësisht, me hapësira të reja dhe më shumë kafshë për t’u vizituar.
Rama thotë se Tirana Zoo Park është një nga hapësirat më moderne në rajon, për të njohur nga afër botën e kafshëve. Edhe Bashkia e kryeqytetit ka njoftuar se sot, më 4 qershor, Kopshti Zoologjik do të hapet zyrtarisht.
“Mirëmëngjes, dhe me dhuratën e shumëpritur për të gjithë fëmijët, Tirana Zoo Park, që hap dyert sot, i rilindur si një nga hapësirat më moderne në rajon, për të njohur nga afër botën e kafshëve, por edhe plot ambiente çlodhëse për të vegjël e të rritur, ju uroj një fundjavë të bukur”, shkruan kryeministri.
