Luiza Gega po kalon formën më të mirë në karrierën e saj. Atletja shqiptare ka njoftuar nëpërmjet rrjetit social Instagram se është shpallur kampione Ballkani, me rekord në kampionatin që po mbahet në garën 3000 metra me pengesa.
Koha që i dha vendin e parë Luiza Gegës është dhe e dyta më e mira në karrierën e saj. Ky sukses është i radhës, pas atij në Holandë.
Atletja vazhdon të bëjë krenare Shqipërinë në arenën ndërkombëtare. Ajo shkruan se është shumë e lumtur dhe më e motivuar se kurrë për objektivat e radhës.
“Balkan champion = happy girl
Kampione Ballkani, Rekord Kampionati në garën 3000m me pengesa me kohën 9.17.91 (koha ime e dytë më e shpejtë(ndonjëherë)
Shumë e lumtur për fitoren, për ndjesinë e mirë gjatë garës dhe më e motivuar se kurrë për objektivat e rradhës.
Faleminderit nga të gjithë që vazhdojnë e mbështesin rrugëtimin tim”, shkruan Luiza Gega në profilin e saj të Instagramit.
