Konspiracionisti Alfred Cako në një intervistë për emisionin ‘Kojshia Show’ ka folur për të fshehtat që fshihen pas malit të Tomorit. Ai i beson idesë që në këtë mal janë parë UFO dhe denoncon një aktivitet që po bëjnë rrëzë këtij mali sëfundmi kinezët për të cilët Cako bën të ditur se ka informuar edhe SHISH dhe kryeministrin Rama.
-Është përfolur që mali i Tomorit është vizituar edhe nga UFO-t…
“Është një portë nëpërmjet së cilës mund të dilet”
A beson ti tek këto gjëra?
“Po ka pasur, kam lexuar disa kujtime kur kam qenë i ri, kam lexuar disa kujtime të disa partizanëve që tregonin për ato përrallat e luftës kundër nazistëve. Disa partizanë që rrinin në malin e Tomorit në verë kanë treguar që kanë para objekte të identifikuara, UFO dmth disqe fluturues kanë ardhur. Dhe kanë shumë njerëz që thonë se kanë parë disqe fluturuese mbi Tomor. Është një nga këto 6 pikat e influencionit që del, që ka disa porta, ato janë porta hyrëse dhe ata mund të hyjnë aty me lejë se bota është e lidhur nuk është e pakontrolluar. Edhe tokën janë një grup i vogël njerëzish okult, të cilët e kontrollojnë, bëjnë historinë dhe drejtojnë gjithë shtetet, organizatat, OKB dhe përmes tyre sundojnë gjithë njerëzimin”
-Cako për çfarë duhet ta mbajnë mend shqiptarët malin e Tomorit?
“Unë them se nëse arkeologët tanë do të zbulojnë Dodonën, do ishte një mrekulli dhe një përmbysje të historisë. 3 gjëra duhet të bëjë sot arkeologjia. Të zbulojë nëse vërtetë Troja është Lezha, nëse kjo do të ishte e vërtetë kalaja e Lezhës lartë, do të ishte një ngjarje e jashtëzakonshme, E dyta është qyteti i Fenikis që mendohet se mund të jetë Fenikika dhe e treta Dodona.
Duhet t’iu them një gjë, që një kompani kineze, sipas informacioneve që kam unë ka ardhur dhe i ka blerë biznesin një gurore aty afër Tomorit dhe e ka rrethuar në një mënyrë që nuk mund të futej edhe miza aty. Ata vazhdimisht sjellin aparatura me makina të mëdha dhe me kamionë dhe unë nuk e di kush arsyeja se çfarë duan të zbulojnë kinezët aty. Sepse aktiviteti i tyre nuk ka lidhje me guroren, merren shumë pak me guroren dhe fusin brenda aparatura shumë të sofistikuara. Unë e kam sinjalizuar vet edhe kryetarin e SHISH dhe kryeministrin, por këta nuk i besojnë dhe nuk i kuptojnë këto gjëra se çfarë misteresh ka jeta dhe thonë çfarë janë këto.”, përfundoi Cako.
