Ish-ministri Ylli Manjani, ka folur për arsyet se përse sipas tij shqiptarët duhet të dalin masivisht në protestën e 7 korrikut të thirrur nga Sali Berisha. Ai thotë se të gjitha temat që diskutohen sot janë arsye për të dalë në protestë.
I ftuar në “A Show”, ish-ministri i ka kërkuar Ramës që të ulë edhe çmimet pasi shqiptarët nuk kanë nevojë vetëm për bukë.
“Halli që kemi sot është tokësore, po e përsëris, edhe Rama kryeministri i Shqipërisë që është dashnori, ideatori themeluesi i Ballkanit të Hapur të na e bëjë çmimin e naftës sa Ballkani i Hapur. Se gojën njerëzit nuk e kanë vetëm për bukë, se ka gjetur ky ca miell nëpërmjet Rusisë që të vijë nga Vuçiçi, dhe ne hakemi bukë.
Në rregull por goja nuk është vetëm për bukë, është edhe për të folur për të protestuar. Dhe arsyet për të protestuar janë të gjitha këto që kemi folur deri tani. Por me një furgon me policë të bie prona, po si mor nuk ekziston prona. Këtu është katrahurë”, u shpreh Ylli Manjani.
