Tashmë është zyrtare Superkupa e Italisë do të luhet të mërkurrën e 18 janarit 2023. Kjo ndeshje do të vendos Përballë njera-tjetrës dy skuadrat e Milanos të cilat rivalizuan deri në javën e fundit për titullin kampion.
Kuqezinjtë e drejtuar nga trajneri Stefano Pioli që triumfuan në fund duke u shpallur kampion të Italisë për të 19-ën herë në historinë e tyre. Ndërkohë Interi i Simone Inzaghit arriti të fitonte kupën e Italisë përballë Juventusit. Ky rivalitet ja shton akoma më tepër bukurinë këtij takimi që ashtu sic ka ndoshur vitet e fundit do të luhet largë Italisë.
Ndeshja do të luhet në Ryhadh në Arabinë Saudite dhe klubet pritet të mbushin arkat e tyre nga të ardhurat që do të fitojnë nga kjo finale. Për sa i përket trofeut milani ka arritur ta fitojë 7 herë Superkupën ndërkohë Inter ka trumfuar 6 herë në finale.
Në përballjen e tyre të fundit në superkupë Milani ka fituar 2-1 në vitin 2011. Ndërsa Inter është fituesi në fuqi i trofeut pasi mposhti në finale e sezonit të shkuar Juventusin me rezultatin 2-1.
