Mbrojtësi i Torinos Gleison Bremer ishte në radarët e drejtuesve të Interit të cilët e shikonin si pasues të mundshëm te Skriniar pasi ky i fundit mund të largohej në rastë të një oferte të mirë.
Megjithatë në garë për të marrë shërbimet e mbrojtësit brazilian ditët e fundit u fut edhe Juventusi. Bardhezinjtë shitën De Light tek Bayern Mynih për rreth 80 milion euro dhe Bremer do të ishte zëvendësuesi ideal për të.
Fillimisht Juvendtus ofroi rreth 35 milion euro plus bonuse. Por më pas e rriti ofertën në 40 milion euro për kartonin e futbollistit plus 7 të tjera në formën e bonuseve.
Ndërkohë Inter ofroi 30 milion euro plus kartonin e të riut Casadei që vlerësohet rreth 7 milion euro. Oferta e Juventusit duket se ka bindur drejtuesit e Torinos për ta lënë të lirë futbollistin.
Bremer është duke kryer vizitat mjekësore ne klinikën J-Medical dhe më pas do të firmos një kontratë deri në vitin 2027 nga e cila do të përfitoj rreth 5 milion euro në sezon.
