Ilir Meta sot largohet nga posti i kreut të shtetit dhe detyrën e merr Presidenti i ri Bajram Begaj. Pas një seance betimi në Kuvend, ceremonia do zhvendoset në selinë e Presidencës te Bulevardi “Dëshmorët e Kombit”.
“Nesër, e dielë 24 korrik 2022, në ora 19:15, në Institucionin e Presidentit të Republikës, do të organizohet ceremonia e fillimit të detyrës të Presidentit të Republikës, Sh.T.Z Bajram Begaj”, njofton Tedi Blushi, zëdhënës i presidentit në ikje Ilir Meta.
Mirëpo teksa sot mbahet seanca për betimin e presdientit duke se ka një pëplasje mes PD pasi Enkelejd Alibeaj është shprehur se me grupin e tij do të marrin pjesë në seancë, ndërsa Sali Berisha me bështetësit e tij jo.
Programi i ceremonisë së fillimit të detyrës nga Presidenti i Republikës së Shqipërisë SH.T.Z. Bajram Begaj:
18:45 – 19:15- Mbërritja e të ftuarve
19:15 – Mbërritja e Presidentit të Republikës SH.T.Z. Bajram Begaj në Presidencë
19:29 – Presidenti i Republikës SH.T.Z. Bajram Begaj bashkë me ish-Presidentin e Republikës SH.T.Z. Ilir Meta, dalin nga Presidenca dhe zënë vend në tribunë
19:30 – Luhet Himni Kombëtar nga Orkestra Frymore e Forcave të Armatosura, shoqëruar nga 21 të shtëna topi
19:35 – Znj. Vitore Tusha, Kryetare e Gjykatës Kushtetuese i dorëzon Presidentit, Kushtetutën e Republikës së Shqipërisë.
19:40 – Fjala e Presidentit të Republikës, SH.T.Z. Bajram Begaj.
19:50 – Largimi i ish-Presidentit të Republikës, SH.T.Z. Ilir Meta
19:53 – Komandanti i Truprojës së Nderit i Forcave të Armatosura i paraqet forcën Presidentit. Kalim në revistë i Presidentit.
19:58 – Presidenti i shoqëruar nga familja hyjnë në Presidencë
20:00 – Pritje zyrtare në oborrin e Presidencës.
