FBI nuk pritet të rihapë hetimin për Brad Pitt pasi raportit të bujshëm që u zbulua këtë javë, sipas një miku të aktorit.
“Statuti i kufizimeve ka kaluar shumë dhe ata kanë parë të gjithë informacionin. Nuk ka asgjë të re këtu. Në atë kohë ata morën parasysh të gjitha akuzat e Angelinës dhe nuk ngritën asnjë akuzë. FBI e hetoi plotësisht incidentin, ka zero shanse që ata të rihapin çështjen. E gjithë kjo është një përpjekje e përbashkët për të njollosur Brad.”-tha një mik i tij për ‘Page Six’.
Miku theksoi se, megjithëse Jolie tregoi të njëjtat detaje nga raporti i FBI-së në çështjen e saj të vazhdueshme kundër Pitt, një gjykatës ende i dha Pitt kujdestarinë 50/50 të fëmijëve të tyre. Fituesja e ‘Oscar’-it i tha FBI-së në vitin 2016 se bashkëshorti i saj i atëhershëm Pitt i shkaktoi asaj shenja në trup pasi e shtyu kur ishte i dehur në bordin e një avioni privat. Miku i Brad tha ‘Page Six’ se Jolie i referoi veprimet e supozuara të yllit në aeroplan tek gjyqtari që mbikëqyrte çështjen e kujdestarisë së tyre. Miku tha: “Pretendimet e Angelinës u ngritën në të paktën dy kontekste të ndryshme ligjore: incidenti në aeroplan dhe më pas përsëri gjatë një gjyqi të gjatë për kujdestarinë. Në një rast, nuk kishte asnjë akuzë dhe në një tjetër, Brad iu dha kujdestaria 50/50.”
Dyshja kanë qenë në ‘luftë’ për gjashtë fëmijët e tyre për gjashtë vitet e fundit, që kur Jolie paraqiti kërkesën për divorc në shtator 2016. Edhe pse ata janë zyrtarisht të divorcuar, aktorët janë ende të përfshirë në një mosmarrëveshje për kujdestarinë e fëmijëve të tyre të mitur: Zahara, 17 vjeç; Shiloh 16 vjeç dhe binjakët Vivienne dhe Knox, 14 vjeç. Djemtë Maddox dhe Pax janë përkatësisht 21 dhe 18 vjeç.
Jolie pohoi në raportin që u bë publik këtë javë se Pitt i bërtiti asaj: “Ti po e shkatërron këtë familje” dhe tha se një nga fëmijët e tyre ishte si një “fëmijë i mbretit të Kolumbisë”, ndërsa ishte në bord gjatë fluturimit nga Nice, Francë, në SHBA, në shtator 2016. Aktorja kërkoi divorcin katër ditë pas incidentit. Miku i Pitt tha: “Kjo është një fushatë gjashtëvjeçare e Angelina për të diskredituar Brad. Ky është në të vërtetë vetëm versioni i ngjarjeve të Angelina. Kjo është ajo që ajo pretendon se ka ndodhur… Këto pretendime u ngritën në seancën për kujdestarinë dhe gjykatësi padyshim nuk e besoi atë, përndryshe Brad nuk do t’i jepej kurrë kujdestaria e përbashkët.”
