Kryetari i Partisë së Lirisë Ilir Meta ka ndarë një mesazh përkujtimor në nder të jetëve të humbura nga sulmet terroriste të 11 shtatorit në SHBA
Meta shprehet se Shqipëria dhe SHBA janë gjithmonë bashkë në mbrojtje të vlerave të lirisë, demokracisë dhe miqësisë së shkëlqyer mes kombeve.
Ai shton se si anëtare e NATO-s, Shqipëria është e përkushtuar në çdo angazhim kundër terrorizmit ndërkombëtar dhe çdo kërcënimi që rrezikon paqen në botë.
“Nderojmë sot kujtimin e paharruar të jetëve të pafajshme të humbura në sulmet terroriste të 11 shtatorit dhe solidarizohemi me familjet e tyre dhe të gjithë popullin amerikan!
Shqipëria dhe SHBA, gjithmonë bashkë në mbrojtje të vlerave të lirisë, demokracisë dhe bashkëjetesës, aleancës strategjike dhe miqësisë së shkëlqyer mes kombeve tona.
Krah për krah, si anëtare të NATO-s, në çdo angazhim kundër terrorizmit ndërkombëtar, ekstremizmit të dhunshëm dhe çdo kërcënimi, që rrezikon paqen dhe stabilitetin në botë”, shkruan Meta.
