Situata e tensionuar në veri të Kosovës dhe mobilizimi i ushtrisë serbe në shkallën më të lartë po alarmojnë mediat evropiane.
Gazeta e rëndësishme gjermane, Sueddeutsche Zeitung shkruan se këto konflikte po nxiten nga Rusia.
“Është e mundur që Moska po e nxit konfliktin. Rusia është një aleate e Serbisë, ndaj edhe një zëdhënës i Kremlinit, edhe një zëdhënëse e Ministrisë së Jashtme, mbështetën Beogradin. Një parlamentar serb nga partia e Vuçiçit madje tha se Serbia së shpejti do të detyrohet të fillojë ‘denazifikimin e Ballkanit’- duke tingëlluar si Putini që po e përdor këtë gënjeshtër propagandistike për të justifikuar agresionin e tij kundër Ukrainës për gjoja fashistët që sundojnë në Kiev,” shkruan gazeta.
Por pikërisht në këtë situatë, kryeministri shqiptar, Edi Rama po hesht.
“Është shumë e vështirë t’i justifikosh ata politikanë që flasin përditë për rublat ruse, Kremlinin, Putinin, që kanë kapur opozitën shqiptare, por nuk belbëzojnë dot asnjë fjalë për dorën e dukshme të këtij trekëndëshi në veri të Kosovës,” shkruan analisti Andi Bushati.
