Policia zbulon vendndodhjen e të kërkuarit 43-vjeç, dënuar me 9 vite burg për drogë dhe armë. Ai është Gazmend Biraci. Me sa duket policia shqiptare e ka patur të vështirë të arrestojë Biracin, shpallur në kërkim prej më shumë se 1 viti. Ai ka qenë në fshatin e tij të lindjes, në Kllojkë.
‘Në fshatin “ Kllojkë”, në bazë të dhënave të siguruara në rrugë operative nga ana e shërbimeve të Komisariatit të Policisë nr 1, është bërë e mundur kapja e shtetasit të shumëkërkuar : Gazmend Biraci , 43 vjeç, banues në fshatin ‘’Kllojkë‘’ , Tiranë.
Ky shtetas është shpallur në kërkim me datë 12.10.2016, i cili dyshohej se ishte bashkëpuntor për veprat penale “ Prodhim e shitje e narkotikeve” dhe “Prodhim e mbajtje pa leje e armeve luftarake”, ku gjate operacionit të bërë ne fshatin “Kllojkë” u gjetën dhe u bllokuan në cilësinë e provës materiale, 79.6 kilogram lëndë narkotike e llojit “Cannabis Sattiva”, dhe 6 armë zjarri.’, jep detaje policia.
