Dje në Gjykatën e Tiranës ka dëshmuar shoqja e Marvi Mihalit, i riu që u vra pas një sherri për një karikus telefoni.
Në momentin e vrasjes vajza kishte qënë më të riun, ku më pas u telefonua nga shoku i tij Armend Haxhiu i cili kishte konflikt me Bitrajt.
Ajo ka thënë se para ngjarjes së bashku me Marvin dhe disa miq të tjerë nodheshin tek sheshi” Nënë Tereza” ku Armendi e telefonoi duke i thënë që të shkonte me të.
Sipas dëshmitares, Marvi i ka thënë jo, por pas disa insistimeve të tij, ka shkuar. Në spital, Armendi i ka pohuar se Marvin e ka vrarë Dejvi Bitraj, ku ka sqaruar se ata ishin të armatosur me thika dhe ai vetë ishte larguar nga frika.
“Të ndjerin e kam pasur shok të ngushtë, njoh edhe Armendin, ndërsa me të pandehurit nuk kam asnjë njohje. Ditën kur ka ndodhur ngjarja, ne kemi qenë së bashku pothuajse gjithë ditën dhe në momentin që Marvi është telefonuar nga Armendi, kemi qenë te sheshi “Nënë Tereza”, së bashku me disa miq të tjerë. Marvi është larguar pak nga ne kur foli në telefon dhe kur u kthye, u duk i shqetësuar, ndërsa kam dëgjuar që e pyeti nëse ishin prekur me dorë, pra, nëse ishin konfliktuar apo vetëm kishin folur në telefon. Pas kësaj, Marvi i ka thënë që të mos shkonte dhe ta linte këtë punë për ditën tjetër. Ne jemi larguar nga sheshi dhe deri në momentin që jemi ndarë, Marvi nuk do të shkonte, ndërkohë unë e kam telefonuar shpesh gjatë kësaj kohe që të merrja vesh se çfarë do ndodhte, por ai nuk ma ka ngritur telefonin dhe më ka shkruar se ishte me njerëz. Më vonë, më ka marrë në telefon Armendi, i cili më pyeti për Marvin, ndërsa unë së bashku me nënën time dhe një shoqe kemi kërkuar në urgjenca, kur shkuam të Spitali Ushtarak kemi takuar Armendin, i cili ishte me dy persona të tjerë. Ai më ka thënë se Marvin e ka qëlluar me thikë Dejvi, ndërsa ai ishte larguar pasi ata personat ishin të armatosur me thika dhe hunj”, tha shoqja e Marvi Mihalit, Grejsi Stërmasi.
