Ish- kryeministri Sali Berisha, duke iu referuar mesazhit të qytetarit dixhital shkruan sot se Rama është hakmarrë ndaj kuksianëve, që e pritën dje me protestë, e sipas tij, “Edvin Kristaq Urrejtësi hakmerret ndaj Kukësit që e përcollën me bisht nën shalë!”.
“Kryeministri Narko shtetit urdhëron ndërprerjen e energjisë elektrike për Kukësin e fshatrat për rreth për hakmarrje. Mer shembull Maduron në Venezuelë . Nga fshati Shtiqen Kukës ”- shkruan Berisha, duke cituar denoncimin e një banori.
Një ditë më parë krahas reagimeve të tij, ish-kryeministri Berisha ka publikuar edhe foto nga rrethimi i qytetit Kukës nga forcat e shumta të policisë, kryesisht të “Reneas”.
Ish-kryeministri, ndër të tjera nuk kursen edhe një falënderim për gjithë banorët që protestuan kundër Ramës.