Komisioni i Pavarur i Kualifikimit ngriti dyshime për pasurinë e drejtuesit të Prokurorisë së Sarandës, Edison Ademin, si dhe e akuzoi për deklarim të rremë, në lidhje me njohjen e dy personave me precedentë penal.
Nga ana tjetër, Kryeprokurori mohoi gjetjet e KPK-së, ndërsa e nisi mbrojtjen e tij, duke hedhur dyshime se mund të jenë ndikuar në hetimin e tyre nga një person i dënuar për trafik narkotikësh.
“Kam informacione nga publiku, se një person i dënuar për trafikim të lëndëve narkotike, i cili ka një të afërm në KPK, ka ndikuar në hetim, në mënyrë që të më dëmtojë”, tha Ademi dhe më pas, vazhdoi me kërkesat dhe mbrojtjen e tij. Ndërkohë, KPK, në fillim të seancës, bëri të ditur se hetimi për prokurorin ishte mbyllur vetëm në dy kritere, atë të pasurisë dhe aftësive profesionale.
Nga ana tjetër, Kryeprokurori mohoi gjetjet e KPK-së, ndërsa e nisi mbrojtjen e tij, duke hedhur dyshime se mund të jenë ndikuar në hetimin e tyre nga një person i dënuar për trafik narkotikësh.
“Kam informacione nga publiku, se një person i dënuar për trafikim të lëndëve narkotike, i cili ka një të afërm në KPK, ka ndikuar në hetim, në mënyrë që të më dëmtojë”, tha Ademi dhe më pas, vazhdoi me kërkesat dhe mbrojtjen e tij. Ndërkohë, KPK, në fillim të seancës, bëri të ditur se hetimi për prokurorin ishte mbyllur vetëm në dy kritere, atë të pasurisë dhe aftësive profesionale.
Në lidhje me kriterin e pasurisë, Inspektorati i Lartë i Deklarimit dhe Kontrollit të Pasurisë dhe Konfliktit të Interesit (ILDKPKI), ka dorëzuar raport negativ për prokurorin, duke konstatuar deklarim të rremë, fshehje të pasurisë dhe gjendje në kushtet e konfliktit të interesit, sa i takon marrjes me qira të një prone për 99 vite. Ndërkohë, nga hetimi i Komisionit, janë konstatuar pasaktësi lidhur me deklarimin për apartamentin me sipërfaqe 130 metra katrorë në Vlorë, të blerë në vitin 2012 në vlerën 45 mijë dollarëve.
Nga hetimi, janë evidentuar paqartësi edhe për një apartament ku ka jetuar në vitin 2003. Sipas komisionit, subjekti e ka porositur verbalisht këtë apartament në vitin 2002 dhe është tërhequr në vitin 2003. Më tej, relatorja tha se prokurori ka deklaruar në deklaratën veting shpenzime në vlerën e 800 mijë lekëve për mobilie, ndërsa në deklarimin e vitit 2005 shuma është deklaruar 500 mijë lekë.
Problem është konstatuar edhe në blerjen e 2 makinave, shpenzimet për të cilat nuk arrinte t’i justifikonte. Sa i përket vlerësimit profesional, është konstatuar se nuk ka problematika me aftësitë profesionale dhe organizative. Por, në lidhje me etikën janë evidentuar dëshmi të rreme për njohjen dhe kontaktin me dy persona të proceduar penalisht.
“Në lidhje me shtetasin F.D., u konstatua se për të në vitin 2011, është regjistruar procedimi penal për armëmbajtje pa leje. Hetimi është marrë nga subjekti dhe nga numri i telefonit të tij, është lënë takim me personin F.D., por nga pyetja që i ka bërë komisioni, subjekti ka mohuar njohjen me të. Kështu, duket se subjekti ka pasur njohje me këtë person dhe pavarësisht kësaj, ka marrë në dorë hetimet e çështjes ndaj tij. Duket se subjekti nuk ka deklaruar fakte të vërteta në lidhje me njohjen”, tha relatorja për njërin nga rastet.
***
Ademi e ka filluar karrierën në vitin 1998 si oficer i Policisë Gjyqësore në Prokurorinë e Vlorës. Ai është emëruar prokuror me datë 5 korrik 2004 në Prokurorinë e Rrethit Gjyqësor Vlorë. Në vitin 2015 ai është promovuar si drejtues i Prokurorisë së Rrethit Gjyqësor Sarandë.
Analiza e pasurisë është një ndër tre shtyllat e rivlerësimit për prokurorët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet ndryshimin e pasurisë së deklaruar të prokurorit Edison Ademi nga viti 2003 deri në fund të vitit 2017.
Ky raport është prodhuar nga BIRN pas administrimit të deklaratave të pasurisë së këtij subjekti nga Inspektoriati i Lartë i Deklarimit dhe Kontrolli të Pasurive dhe Konfliktit të Interesit, ILDKPKI. Ai ka për qëllim bërjen e transparencës mbi pasurinë e gjyqtarëve dhe prokurorëve që i nënshtrohen procesit të vetingut.
Të dhënat e analizuara nga BIRN tregojnë se prokurori Edison Ademi zotëronte pasuri me vlerë 3.2 milionë lekë në vitin 2003. Referuar deklaratës së tij të parë të dorëzuar në ILDKPKI, Ademi zotëronte një autoveturë me vlerë 200 mijë lekë dhe kishte marrë një kredi bankare prej 3 milionë lekë. Në fund të vitit 2017, pasuria familjare e prokurorit Ademi është rritur 2.7 herë, duke kapur vlerën 8.7 milionë lekë, me një rritje mesatare vjetore prej 392 mijë lekë.
Kjo pasuri përbëhet nga 2.8 milionë lekë likuiditete në bankë, 1.9 milionë lekë likuiditete cash, 972 mijë lekë pasuri të luajtshme dhe 3 milionë lekë pasuri të paluajtshme.
Gjatë karrierës së tij, prokurori Ademi ka pasur 28.7 milionë lekë të ardhura, nga të cilat 14.4 milionë lekë ose 50.2 % nga paga për shkak të funksionit, 5 milion lekë nga të ardhurat e bashkëshortes, 5 milion lekë nga të ardhurat e vëllait emigrant dhe 3.7 milionë lekë të ardhura nga pensioni i prindërve.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’ që identifikohen gjatë kontrollit. Nga 14 deklaratat që iu nënshtruan kontrollit aritmetik/logjik, asnjëra prej tyre nuk rezulton me diferenca negative mes të ardhurave dhe aseteve.
Megjithatë, BIRN ka identifikuar një sërë “flamujsh të kuq” nga analiza cilësore. Në deklarimin për herë të parë, subjekti ka deklaruar kredi bankare në shumën 3 milionë lekë, për blerje apartamenti. Në faqen e aseteve nuk është deklaruar asnjë e dhënë lidhur më pasuri të paluajtshme, dhe nuk ka të dhëna për vlerën e plotë të këtij apartamenti të financuar me kredi. Në vitin 2016 subjekti ka marrë kredi në shumën 2 milionë lekë, me qëllim të papërcaktuar qartë, dhe është përdorur pjesërisht për mbylljen e kredisë së mëparshme, ndërsa 800 mijë lekë i ka mbajtur në llogarinë bankare.
Duke qënë se ky raport bazohet në të dhëna statistikore të analizuara nëpërmjet një databaze, ai nuk nxjerr përfundime mbi pasurinë e subjektit nëse ajo është e ligjshme ose jo, por mëton të informojë publikun mbi pasurinë e deklaruar të zyrtarit publik nëpërmjet një formati të thjeshtë dhe të kuptueshëm grafik.
Deklarata e pasurisë për vitin 2003
Deklarata e pasurisë për vitin 2004
Deklarata e pasurisë për vitin 2005
Deklarata e pasurisë për vitin 2006
Deklarata e pasurisë për vitin 2007
Deklarata e pasurisë për vitin 2008
Deklarata e pasurisë për vitin 2009
Deklarata e pasurisë për vitin 2010
Deklarata e pasurisë për vitin 2011
Deklarata e pasurisë për vitin 2012
Deklarata e pasurisë për vitin 2013
Deklarata e pasurisë për vitin 2014
Deklarata e pasurisë për vitin 2015
Deklarata e pasurisë për vitin 2016
Deklarata e pasurisë për vitin 2017
