Gareth Bale nuk po kalon një moment të mirë tek Reali i Madridit. Përvec problemeve fizike, uellsiani ka bërë bujë edhe me veprimin e tij të fundit.
Pas humbjes në transfertë ndaj Rayo Vallecanos me rezultatin 1-0, Bale nuk u kthye në Madrid me pjesën tjetër të “klasës”. Sipas të përditshmes “AS” 29 vjeçari u largua për në dhomat e zhveshjes pak përpara fundit të takimit. Kjo nuk është hera e parë që ai vepron në këtë mënyrë.
Trajneri i “galaktikëve” Zinedin Zidane ka dashur ta minimizojë situatën dhe tha se problemi i sulmuesit është thjesht psikologjik. Gareth Bale nuk shënon që nga 16 Marsi kundër Celta Vigos. Ndoshta dëshira e lojtarit për 1 eksperiencë të re ka ndikuar në paraqitjet e tij me ekipin.
Ofertat për të nuk mungojnë, ku Manchester United është një ndër pretendentët kryesorë për t’i “grabitur” Realit xhevahirin e tyre.
