Nikoqirët e Samitit të Berlinit, Merkel dhe Macron kanë dalë së bashku në një konferencë të përbashkët për gazetarë ku u përmendën edhe marrëdhëniet në mes të Kosovës dhe Serbisë.
Kancelarja gjermane fillimisht ka përgëzuar Greqinë dhe Maqedoninë e Veriut për arritjen e marrëveshjes për çështjen e emrit, ndërkohë që tha edhe Serbia dhe Kosova duhet ta gjejnë zgjidhjen dhe të arrijnë një marrëveshje.
Ndërsa presidenti francez Macron tha se Samiti i Berlinit nuk është që të gjendet një zgjidhje për Kosovën dhe Serbinë por sipas tij të gjithë së bashku në takimin që do të mbahet sot me përfaqësuesit e shteteve të Ballkanit do të diskutojnë se si do të gjendet një zgjidhje në të ardhmen.
Macron i ftoi dy palët, atë nga Kosova dhe Serbia siq tha ai “që të heqin dorë nga emocionet gjatë dialogut mes tyre”. Iniciativa gjermano-franceze sipas Macron është që këto dy shtete të fokusohen në rajonin e Ballkanti për të ndihmuar në shumë çështje.
