Dy persona janë vënë në pranga nga policia e Kavajës teksa u kapën në flagrancë duke vjedhur një banesë.
Të arrestuarit janë shtetasit, N.R. 33 vjeç, banues në Kavajë dhe A.H.,37 vjeç banues po në Kavajë.
Dy të arrestuarit dyshohen se janë autorë dhe për katër grabitje të banesave të tjera, të ndodhura në muajin prill.
Sipas policisë, gjatë kontrollit, u sekuestrohen edhe disa doza lëndë narkotike.
Njoftimi i Policisë së Shtetit:
Operacion për parandalimin e vjedhjeve të banesave, zbardhjen e atyre të ndodhura më parë, si dhe për kapjen dhe arrestimin e autorëve.
Finalizohet operacioni policor i koduar “Vëzhgimi”.
Kapen në flagrancë në banesë dy shtetas në tentativë për të vjedhur .
Shtetasit e arrestuar të dënuar më parë për vjedhje.
Zbardhen dhe 4 (katër) vjedhje të tjera të ndodhura më parë, ku dyshohet se janë kryer nga këta dy shtetas.
Sekuestrohen edhe disa doza lëndë narkotike që njëri prej autorëve i kishte në automjetin me të cilin qarkullonin për të kryer vjedhjet.
Në vijim të punës për parandalimin e vjedhjeve , zbardhjen e atyre të ndodhura më parë, si dhe për kapjen dhe arrestimin e autorëve, Shërbimet e Policisë të Komisariatit të Policisë Kavajë, mbi bazën e informacioneve të grumbulluara për dy shtetas që dyshoheshin se kryenin vjedhje të banesave dhe lokaleve në Kavajë, kanë organizuar punën duke mbajtur nën vëzhgim dy shtetasit e dyshuar.
Si rezultat i mbajtjes nën vëzhgim nga shërbimet policore u bë e mundur që gjatë operacionit të koduar “Vëzhgimi”, në orët e para të mëngjesit të sotëm, të kapeshin në flagrancë në banesën e shtetasit A.M, ku kishin hyrë për të vjedhur shtetasit:
N.,R 33 vjeç, banues në Kavajë dhe A.H.,37 vjeç banues po në Kavajë, të dënuar më parë për “Vjedhje”.
Shtetasit A.H gjatë kontrollit të ushtruar në automjet ju gjet dhe sekuestrua në cilësinë e provës materiale një sasi e vogël lëndë narkotike e ndarë në doza.
Në vijim të hetimeve, bazuar edhe në provat e grumbulluara dyshohet se këta shtetas janë autorë dhe të 4 vjedhjeve të tjera të banesave të ndodhura gjatë muajit prill në Kavajë , ku kanë vjedhur televizorë, orendi shtëpiake, bizhuteri e sende të tjera.
Materialet proceduriale do ti referohen Prokurorisë për veprime të mëtejshme.
