Ish-kryeministri Berisha e ka cilësuar si një farsë moniste të monstrës së pluralizmit Edvin Kristaq Rama, skandalin e votimeve të fundit, ku Partia Shtetit nuk u mjaftua vetëm me votime njëpartiake, por mbushi edhe kutitë mbi numrin e votuesve.
Berisha ka marrë për shembull rastin e Urës Vajgurore ku kandidatja socialiste mori 7666 vota ndërkohë që numri i votuesve të raportuar nga KQZ në këtë zonë ishte 5900.
“Njihuni me serine e pafundme te skandaleve te farses moniste te monstres se pluralizmit Edvin Kristaq Rama!
Skandali i parë i madh/ Votojnë 5900 qytetarë, por në kuti dalin 7666 vota
Votimet monopartiake të Edi Ramës dhe mbushja e kutive po dalin në pah.
Rasti i parë i madh dhe skandaloz ka ndodhur në bashkinë e Urës Vajgurore ku kandidonte Juliana Mema.
Sipas të dhënave zyrtare nga ana e Komisionit Qendror te Zgjedhjeve të bëra publike mbrëmjen e djeshme në Urën Vajgurore kanë votuar 5900 qytetarë, ose 19.18 për qind.
Por numërimi i votave të gjetura në kuti, kanë shfaqur edhe skandalin.
Po sipas të dhënave zyrtare nga ana e KQZ-së të publikuara në faqen zyrtare kandidatja e PS-së në bashkinë e Urës Vajgurore ka fituar me 7666 vota, ose thënë ndryshe 100%.
Diferenca mes votuesve dhe votave të gjetura në kuti është 1766 vota, të cilat duket se janë mbushur gjatë ditës nga ana e komisionerëve socialistë.”