Ish-deputetja e Partisë Demokratike, Oriola Pampuri nga studio e Fax Neës, tha se Komisioni Qendror i Vjedhjeve legjitimoi vjedhjen e votave në votimet e fundi moniste.
“Këto zgjedhje për ne janë ilegjitime për sa kohë nuk ka asnjë ligj në të cilin të bazohen. Për sa kohë në këtë vend mbizotëron ilegjitimiteti, nuk mund të ketë stabilitet. Çfarë do të thotë stabilitet? Presidenti mori një hap me të cilin dekretoi datën e re për zgjedhjet dhe ky vendim u botua në fletoren zyrtare, por Edi Rama nuk pyeti. I bëri zgjedhjet vetë, i numëroi vetë. Ai cënoi zgjedhjet dhe kjo do të thotë të dhunosh demokracinë dhe Kushtetutën me të dyja këmbët”, tha Pampuri.
E pyetur nëse do ti bënte thirrje elektoratit me 13 tetor që të shkonte në votime, Pampuri tha se nuk është ky qëllimi i opozitës
“Braktisja e Edi Ramës nga 85% e shqiptarëve është mesazh i qartë, por nuk ka qenë kauza jonë, për të ftuar qytetarët në zgjedhje në këtë datë. Apeli dhe misioni jonë kanë qenë zgjedhjet e lira dhe të ndershme, largimin e krimit nga politika dhe kjo bëhet me largiminEdi Ramës.
Mendoni që një person që mendon se do të ketë gjithçka! Në demokraci pushtetet ndahen nuk ka dikush gjithçka. Rama do të vendos një regjim të tillë, ai mund të kërkojë edhe rikthimin e regjimit dhe diktaturës por ne nuk do ta lejojmë këtë”.
Konstatimi nga procesi i numërimit se kanë dalë më shumë vota se sa numri i qytetarëve që kanë votuar:
“KQZ, i cili meriton të quhet Komisioni Qëndror i Vjedhjeve sepse ka bërë ndryshime në deklaratat për pjesmarrjen në zgjedhje. Me shumë mundim provohet se kanë marrë pjesë rreth 15% e shqiptarëve në zgjedhje ndërsa KQZ gënjen duke thënë se kanë marrë pjesë rreth 22%. Unë kam vëzhguar vetë atë ditë procesin e votimit, absolutisht nuk ka patur asnjë presion për të mos votuar, kishte zbrazëti të qendrave të votimit. Deri në orën 18:00 kështu ka ndodhur por pas kësaj ore, duke parë pjesmarrjen e ulët janë urdhëruar komisionerët që të mbushin kutitë.
Sot Edi Rama e ka humbur besimin dhe sot e mbajnë në këmbë ata që e lidhin interest financiare, askush më nuk ka snjë shpresë tek ai”, tha Pampuri
Ndërkohë, Pampuri është ndër të parët zëra brenda opozitës që është shprehur se opozita do të pres vendimin e Gjykatës Kushtetuese por shtoi se kjo nuk është rruga e vetme ë do të ndiqet.
“Ne do të ndjekim të gjitha hapat e rëndësishëm për të faktuar ilegjitimitetin e zgjedhjeve. Patjetër që do të presim edhe vendimin e Gjykatës Kushtetuese. Por e them sërish se kryetarët e bashkive deri në zgjidhjen e këtij ngërçi do të qëndrojnë në zyrën e tyre sepse nuk mund të zëvendësohen ata që janë zgjedhur në mënyrë demokrtike me disa që janë zgjedhur në mënyrë komuniste”.
Si do të pengohet kjo me ardhjen e kryebashkiakëve të rinj?
“Këto ditë kanë qenë intensive ku janë mbledhur faktet për manipulimin e zgjedhjeve në mënyra të ndryshme. Nuk mundet një kryëetar bashkie që është votuar nga 2000 persona dhe një mijë të tjera duke mbushur kutitë, me dikë që është zgjedhur në mënyrë demokratike nga zgjedhësit, kjo nuk do të ndodh dhe ne nuk do mundemi ta lejojmë këtë”.
Lidhur me qëndrimet e ndërkombëtarëve, Pampuri tha se: “Ka ardhur koha që zgjidhjen e krizës ta gjejmë brenda nesh, dhe ndërkombëtarët kanë shprehur qëndrimet që kemi mbajtur edhe ne për procesin”.
E pyetur se si duhet të lexohen votat e pavlefshme, Pampuri tha se: “Duhet të lexohen si qëndrime kundër qeverisë. Prevalonte fjalia “më detyruan”. Ato lexohen dhe janë vota kundër jo më shuplaka por grushta ndaj një pushteti që abuzoi në kurriz të qytetarëve”.
