Një skulpturë prej druri e zonjës së parë të Shteteve të Bashkuara të Amerikës, Melania Trump, është ndërtuar në vendlindjen e saj, Slloveni. Skulptura qesharake është ekspozuar afër fshatit të saj të lindjes, Sevnica.
E mbikëqyrur nga artisti amerikan, Brad Downey dhe nga artisti vendas Ales Zupevs, statuja, ishte pjesë e një ekspozite që flet për rrënjët e zonjës së parë, diku në malet Alpe.
Statuja e saj, ishte krijuar nga një trung i madh i drurit, i cili ishte marrë nga fshati Rozno, shtatë kilometra larg Svenicës.
Skulptorët thanë që ata nuk kanë për qëllim që statuja e tyre të pëlqehet, ndërsa në Lublanë kanë shprehur dyshime se a është serioze kjo statujë, madje disa po e konsiderojnë ofendim.
Edhe pse nga statuja nuk dihet se kush është, veshja me ngjyrë të kaltër simbolizon veshjen e saj në ditën e inaugurimit të presidentit, Donald Trump.
