Një seri e suksesshme e testeve të sistemit mbrojtës raketor të Izraelit, Arrow-3, ka bërë që kryeministri Benjamin Netanjahu të mburret me aftësitë e armëve dhe ta falënderojë Uashingtonin në Twitter.
Arrow-3 kapi raketa balistike në lartësi përtej atmosferës dhe me shpejtësi të paparë, “shkruante Netanyahu në Twitter. Një sërë testesh të kryera në US Pacific Spaceport Complex-Alaska (PSCA) në Kodiak, dëshmuan me sukses mbi sistemin e zhvilluar për të kundërshtuar raketat balistike me rreze të gjatë, duke kapur tri herë objektivat e saj.
Ishte sprova e parë e këtij lloj e armëve, e kryer jashtë Izraelit dhe kryeministri shfrytëzoi rastin për të shprehur mirënjohjen e tij për aleatët e Tel Aviv në Uashington.
Arrow 3 është financuar, zhvilluar dhe prodhuar bashkërisht nga Industritë Aeronautike të Izraelit dhe gjigandit amerikan të hapësirës ajrore Boeing. Raketa është e aftë të kapë raketa balistike, duke përfshirë edhe interkontinentale, gjatë pjesës së fluturimit hapësinor të trajektores së tyre. Distanca operacionale e tij, thuhet se është deri në 2,400 km.
Testet e kryera morën edhe lavdërimet nga zyrtarët amerikanë. “Këto teste të suksesshme shënojnë një moment të rëndësishëm në zhvillimin e Sistemit të Armëve Arrow, “u tha gazetarëve kreu i Agjencisë së Mbrojtjes së Raketave të Pentagonit, Jon Hill. Ai gjithashtu ripohoi angazhimin e Uashingtonit për të “ndihmuar qeverinë e Izraelit në përmirësimin e aftësive të saj kombëtare të mbrojtjes nga raketat, për të mbrojtur shtetin e Izraelit nga kërcënimet e reja”.
Lajmet në lidhje me testet Arrow-3 vijnë pasi Irani ka testuar raketën e saj balistike të mesme, në fillim të kësaj jave. SHBA thanë se raketa udhëtoi rreth 1.000 km dhe nuk përbënte asnjë kërcënim për anijet amerikane apo personelin e saj në rajon.
Teherani e konfirmoi testin, duke shtuar se ishte me natyrë “mbrojtëse” dhe raketa e re do të përdoret vetëm për “t’u përgjigjur kundër një agresioni të mundshëm”. Ndërkohë, ishte Izraeli që kërcënonte Iranin në fillim të korrikut. Në atë kohë, Netanyahu paralajmëroi Teheranin se avionët izraelitë “mund të arrijnë kudo në Lindjen e Mesme, përfshirë Iranin dhe Sirinë”.
