Deputeti Agron Shehaj thotë se Sali Berisha i riktheu besueshmërinë Partisë Demokratike.
Sipas Shehajt, pavarësisht problemeve që PD ka sot, përfshi dhe marrëdhëniet me ndërkombëtarët që mund të jenë problem në të ardhmen, sot PD është më e besueshme, ndërsa Berisha tregoi se ka mbështetjen e madhe të votuesve dhe militantëve.
“Berisha në 6 muaj krijoi një lëvizje brenda PD, pa simbolin e PD, me medi kundër, me qeverinë kundër, me ndërkombëtarë kundër. Mori 70% të votave dhe ne themi që është i mbraruar, nuk do sjellë gjë. Tregoi që ka një potencial te votuesit, te militantët e PD.
Partia Demokratike sot është më e besueshme, marrëdhëniet me faktorin ndërkombëtar është një problem për të ardhmen, por unë shoh faktet, shoh numrat. Mendoj që njerëzit kanë më shumë besim te Berisha se çfarë kishin te Basha”, u shpreh Shehaj.