Sonja Biserko, Latinka Peroviç, Natasha Kandiç, Çedomir Petroviç janë ndër ata intelektualë serbe që vlejnë të lexohen për ndershmërinë e tyre intelektuale dhe humanizmin në ndërtimin e urave mes shqiptarëve dhe serbëve.
Biserko, e pyetur për iniciativën rajonale ‘Open Balkans’, në një intervistë së fundmi, thotë se kjo është vetëm një mburojë që i shërben Vuçiçit pasi që gjendet në situatë politike të vështirë, dhe se kur Shqipëria dhe Maqedonia e Veriut të marrin sinjalin nga BE-ja për anëtarësim, “do të humbasin menjëherë interesimin dhe do të fillojnë proceset e negocimit për anëtarësim në BE”.
Biserko ka konsideruar se nga kjo inicativë përfituesja më e madhe është Serbia e cila do “të plotësonte hapësirën e saj ekonomike”, porse sidoqoftë ende mbetet në nivelin e ideve “dhe s’ka mbështetjen e Gjermanisë”.
