Aktori i njohur Kostas Nikoul gjatë një interviste për një televizion grek e ka thënë me plot gojë se sa krenar është që ka gjak shqiptari.
Ai foli për karrierën e tij të gjatë si dhe për emigrimin nga Shqipëria në Greqi. Me kokën lart Nikoul tha se nuk dëshiron që t’ja kthejnë mbiemrin në grek, pasi do mbiemrin e tij shqiptar, ashtu si e ka.
“Ndryshimi i mbiemrit s’ndikon aspak, nuk më tradhton. Dua që mbiemri të jetë Nikouli dhe jo Nikoulis të kujtoj se nga vij. Në ID shkruante Nikouli dhe ky doja të ishte mbiemri im. Jam krenar që jam shqiptar. Isha i hapur që në momentin e parë dhe nuk u ndjeva si i huaj apo ndryshe nga të tjerët. Ndoshta nuk e kam kuptuar se çfarë do të thotë shqip, por për sa kohë jam nuk jam ndjerë kurrë keq,” tha ai duke nxitur një zemërim të madh në mediat greke.
