Një ditë më parë, opozita hodhi një hap me tej drejt bojkotit të zgjedhjeve të 30 qershorit por dhe angazhimin për të mosi i lejuar ato nëqoftëse socialistët do tentojnë ti zhvillojnë.
Në këtë betejë Lulzim Basha, ka mbështetjen e aleatëve të tij, me të cilët është konsultuar para se sat ë merrte vendimin.
Mediu: Nuk mund të ketë kuptim që ne dogjëm mandatet për të kërkuar zgjedhje të lira dhe të ndershme, të futemi në proces zgjedhor farsë.
Shehi: Kjo do të ishte e pajustifikueshme. Ne dolëm nga parlamenti se nuk kishte kushte politike për të ushtruar jetën parlamentare.
Duket se opozita krahas bojkotit, ka menduar edhe mekanizmat se si do të pamundësoi mbajtjen e zgjedhjeve.
Shehi: Do tërheqim komisionerët nga qendrat e votimit.
Kreu i LZHK-ës Dashamir Shehi, krahas betejës që opozita po zhvillon, kërkon që pjesë e paketës për zgjedhje të lira, të jetë edhe sistemi.
Shehi: Ndryshojmë sistemin kushtetues, balancojmë institucionet, zgjedhim një president nga populli që të ketë peshë.
Kreu i Republikanëve, një mesazh kishte edhe për Grupin më të ri parlamentar “demokrat”, që shprehu gatishmërinë për të garuar në 30 qershor.
Mediu: Njerëzit që i bashkohen marrëzisë së të marrit do të kenë të njëjtin fat siç është i marri.
Brenda këtyre ditëve pritet që PD të firmosë me gjithë partitë opozitare një marrëveshje politike, pjesë e së cilës është qëndrimi në raport me zgjedhjet lokale e qeverinë Rama.