Në një deklaratë për mediat, deputeti i Partisë Demokratike, Enkelejd Alibeaj është shprehur se edhe një tjetër kriminel është lënë i lirë.
Sipas tij, kryetari i PD, Lulzim Basha ka njoftuar që në tetor se Durim Keçi do të lihej i lirë nga burgu pasi kishte mik Edi Ramën dhe Blendi Klosin duke i shërbyer atyre në çdo palë zgjedhje.
“Basha e paralajmëroi se Durim Keçi do i shpëtonte drejtësisë, dhe nuk do ekstradohet në Itali, se kishte mik Edi Ramën, të cilit i ka shërbyer në çdo palë zgjedhje. Që në tetor Basha bëri të njohur ekzistencën e tabulateve telefonike të Ramës me Durim Keçin. Këto janë prova se si Rama ka blerë zgjedhjet, ka blerë pushtetin dhe po e mban atë nëpërmjet marrjes së Drejtësisë, prandaj më 27 janar t’i themi Ramës se jemi njerëz të lirë dhe nuk pranojmë zgjdhën e krimit,”tha Alibeaj.
