Ambasada e Shteteve të Bashkuara të Amerikës në Kosovë ka theksuar rëndësinë e dialogut të lehtësuar nga Bashkimi Evropian mes Kosovës dhe Serbisë.
Përmes një postimi në faqen zyrtare, ambasada amerikane shkruan se pas tensioneve në veri, inkurajon të dy palët që të angazhohen në normalizimin e marrëdhënieve me qëllim shmangien e kërcënimit të stabilitetit në rajon.
“Deklarata e përbashkët e BE-së për Ballkanin Perëndimor: Theksojmë rëndësinë e Dialogut të lehtësuar nga BE-ja, që është mekanizmi kyç për të adresuar normalizimin gjithëpërfshirës të marrëdhënieve mes Serbisë dhe Kosovës.
Pas javëve të fundit të tensionit në veri të Kosovës, inkurajojmë të dy palët që të angazhohen për de-eskalim të vazhdueshëm dhe të qëndrueshëm dhe të shmangin veprimet që kërcënojnë stabilitetin.
Mirëpresim dhe mbështesim angazhimin e Kosovës për të luftuar korrupsionin dhe krimin e organizuar, dhe ritheksojmë se dhuna ndaj civilëve, gazetarëve, policisë, apo autoriteteve tjera është e papranueshme”, thuhet në reagimin e ambasadës së SHBA-së
