Arbana ka komunikuar mbrëmjen e sotme se Big Brother ka marrë vendimin të ndalojë komentet në faqen zyrtare të spektaklit.
Shkak i këtij vendimi janë bërë komentet me gjuhë urrejtje ndaj banorëve, por edhe familjarëve të tyre, duke përmendur këtu edhe bashkëshorten e Maestros, e cila është shtatzënë.
Derisa këto komente të ndalojnë, Big Brother do t’u ndalojë ndjekësve të drejtën e komentimit.“Më vjen shumë keq që nuk do të mund të shprehni mendimin tuaj për banorët.
Top Channel do t’jua mundësojë këtë gjë kur të ndalojnë fyerjet, kërcënimet edhe për gra shtatzëna. Fansa të çmendur fyejnë, shajnë, kërcënojnë, bullizojnë. Le të shpresojmë që kjo gjë të qetësojë sadopak situatën për ata që përdorin gjuhë urrejtje”, tha Arbana.
Bledi Mane ka deklaruar në fillim të spektaklit të sotëm largimin nga shtëpia e Big Brother VIP. Bledi u shpreh se arsyeja e këtij vendimi është dashuria e Kiarës me Luizin.
Kurse Arbana Osmani është shprehur se kompanitë telefonike do të rimbursojnë të gjithë shqiptarët që kanë votuar. Kjo është një situatë që nuk ka ndodhur më parë në ‘Big Brother’.
