Arrestohet autori, policia e Shkodrës zbardh ngjarjen ku mbeti i plagosur 20-vjeçari

0
25

Policia e Shkodrës ka zbardhur dhe dokumnetuar sot plagosjen me thika që ndodhi mbrëmjen e kaluar jashtë një lokali në lagjen “Skënderbeg” në qytetin e Shkodrës. Mësohet se dy të rinjë banues në fshatin Grudë e Re, Shkodër kanë nisur një konflikt verbal me fjalë , që më pas ka degraduar në përdorimin e armëve.

I plagosur nga sherri me thika ka mbetur 20-vjeçari Emanuel Gjergj Gjergjndreaj. Ndërkohë që mësohet se i riu ka marrë disa plagë dhe ndodhet në Spitalin Rajonal të Shkodrës në gjendje të rëndë për jetën. Ndërsa autori, shtetasi me iniciale K.H 24 vjeç është arrestuar në flagrancë nga policia e qytetit të Shkodrës.

Ndërkohë materialet iu referuan Prokurorisë së Rrethit Gjyqësor Shkodër, për veprat penale “Vrasja me paramendim, mbetur në tentativë” dhe “Mbajtja pa leje e armëve të ftohta”.

Njoftimi i policisë 
Shkodër

Zbardhet dhe dokumentohet ngjarja e ndodhur mbrëmjen e datës 01.08.2020, ku u plagos me mjet prerës një 20-vjeçar.

Arrestohet në flagrancë autori i dyshuar i ngjarjes.

Nga strukturat e DVP Shkodër në bashkëpunim me Komisariatin e Policisë Shkodër, pas njoftimit të marrë se shtetasi E. Gj., është plagosur me mjet prerës (thikë), menjëherë shërbimet policore janë vënë në ndjekje për identifikimin dhe kapjen e autorit të kësaj ngjarje.

Nga veprimet hetimore intensive të bëra, është bërë e mundur dokumentimi i plotë ligjor i kësaj ngjarje kriminale, ku është arrestuar në flagrancë autori i dyshuar konkretisht shtetasi K. H.,24 vjeç, banues në fshatin Grudë e Re, Shkodër.

Nga provat e grumbulluara ka rezultuar se konflikti ka ndodhur në ambientet e jashtme të një bar-kafeje në lagjen Skënderbeg, në Shkodër, ku ky shtetas pas një konflikti verbal me fjalë ka plagosur me mjet prerës (thikë) shtetasin E. Gj. 20 vjeç, banues në fshatin Grudë e Re, Shkodër, i cili aktualisht ndodhet në gjendje të rëndë, në Spitalin Rajonal Shkodër.

Materialet iu referuan Prokurorisë së Rrethit Gjyqësor Shkodër, për veprat penale “Vrasja me paramendim, mbetur në tentativë” dhe “Mbajtja pa leje e armëve të ftohta”.