Pasi bojkotuan seancat gjyqësore për 4 ditë me rradhë, kjo e hënë i ka gjetur avokatët e Durrësit në gjyqe.
Ditën e sotme dhoma e avokatisë së Durrësit 244 anëtarë po vijon normalisht përfaqësimin në seancat gjyqësore.
Javën e kaluar u shtynë rreth 212 seanca gjyqësore nga 300 të planifikuara në gjykatën e shkallës së parë.
Dhjetra seanca të tjera gjyqësore janë shtyrë në gjykatën e apelit dhe atë administrative të Durrësit.
Ndërkohë, ditën e djeshme dhoma e Avokatëve në Shkodër, tha se të bojkotojë pa afat të gjitha seancat gjyqësore, si shenjë proteste ndaj hartëts së re, e cila parashikon mbylljen e gjykatës se Apelit në kryeqendrën e veriut.
Avokati Anton Kosteri u shpreh se nëse nuk reagohet ndaj kësaj mase, nuk përjashtohet edhe mundësia e grevës së urisë. Edhe avokatët në Vlorë kanë vendosur bojkot të plotë pa afat të të gjitha seancave gjyqësore.