I është dhënë lamtumira e fundit viktimës Sabrina Lekaj, 20 vjeçares e cila u vra me thikë nga babai i saj.
Lekaj u gjet e vdekur në makinë dhe pranë saj i plagosur babi, i fundit ky që gjendet në burg nën akuzën e vrasjes dhe vetëplagosjes.
Mediet e huaja raportojnë se në ceremoninë e funeralit të viktimës kanë marrë pjesë vëllai 11-vjeçar Pyrrhus, nëna Romina, gjyshja me origjinë shqiptare dhe m,iqë e të afërm. I vetmi që ka munguar në ceremoninë mortore ishte babai i saj, Petrit Lekaj, i cili gjendet në paraburgim.
Por si ka ndodhur vrasja makabre?
Sabrina Lekaj, 20-vjeç, studente në fakultetin e Mjekësisë u gjet e vrarë në sediljen e përparme të makinës tip “Mercedes-Benz”. Në krah të saj u gjet edhe babai i saj Petrit Lekaj, i plagosur në stomak, pasi kishte tentuar të vetëvritej.
Ai u transportua në spital dhe të martën policia e akuzoi atë për vrasjen e vajzës së tij dhe e ka shoqëruar në stacionin e policisë.
Viktima kishte shkëmbyer mesazhe me miqtë
Policia ka marrë në shqyrtim shumë prej mesazheve telefonike që Sabrina kishte shkëmbyer me miqtë e saj.
Në mesazhet e dërguara, viktima ankohej se kishte marrëdhënie të vështira me prindërit e saj të cilët e akuzonin si k**** dhe për këtë arsye ajo kishte një marrëdhënie të tensionuar me familjen dhe se nuk donte të jetonte në një çati me ata.
