Bale dhe 100 milionë euro, oferta e Real për Hazard

0
222
Zjarr Televizion Ad This is a sample article. ...

Eden Hazard është kthyer në objektivin kryesor të Real Madrid dhe për këtë manovër klubi madrilen sakrifikon Gareth Bale dhe 110 milionë euro. Edhe pse deri në hapjen e merkatos duhen edhe 4 muaj dhe për më shumë duhen shumë objektiva për t’u mbyllur, Real Madrid po mendon për lëvizjet në skuadër. Hazard i përfolur prej kohësh për një pëlqim nga Madridi po vonon rinovimin me londinezët e Chelsea dhe ky është marrë si një sinjal për t’u transferuar në Madrid. Sulmuesi belg pëlqehet shumë nga trajneri Zidane dhe sipas asaj që shkruan media britanike, skuadra madrilene është gati që të sakrifikojë Gareth Bale për te patur belgun në “Santiago Bernabeu”. Bale ka qenë afër largimit në dy sesionet e fundit të merkatos, por Manchester United që kërkonte shërbimin e tij u mjaftuar me kilianin Sanchez. Një shkëmbim Hazard-Bale do te ishte në favor edhe të londinezëve të Chelsea, që ndër të tjera do të arkëtonin 110 milionë euro, për të plotësuar lëvizjet e tjera ne merkato.

Zjarr Tv Ad