Kryetari i grupit parlamentar të Partisë Socialiste, Taulant Balla, i ka kërkuar SPAK që të nisë hetimet për Sali Berishën, i cili është shpallur ‘non grata’ nga SHBA për korrupsion të nivelit të lartë.
Ai u shpreh se shpreson që SPAK t’i japë një përgjigje kësaj çështjeje.
“Unë përshëndes rastin që prokuroria po punon dhe uroj të shpejtojë.Një kërkesë e kahershme që lidhet me shpalljen e shtetasit Sali Berisha si një person i përfshirë në korrupsion të nivelit të lartë nga SHBA, vendim mi bazuar në prova. SPAK i duhet t’i japë një përgjigje kësaj çështje, duke e shoqëruar edhe me kërkesën zyrtare që duhet të dërgojë në SHBA. Që ka arritur në këtë konkluzion. Është e papranueshjme që në një shtet aleat Berisha është shpallur non grata për korrupsion dhe në Shqipëri kjo nuk shoqërohet me hetime të thella. S’kam dëgjuar gjë për aferën e ÇEZ dhe Gërdecin, ne respektojmë pavarësinë e sistemit të drejtësisë dhe SPAK. Unë po shpreh këndvështrimin tim që ka ekzistuar para SPAK-ut. Unë kam kallëzuar nga SPAK edhe për OSSHE-ÇEZ dhe për kompleksin Partizani. Deklaratat e politikanëve nuk kanë të bëjnë me shkelje të pavarësisë. Është e vërtetë që pas shumë insistimi kam dhënë deklarimet e mia dhe nga ai moment kam kuptuar që të paktën për kompleksin Partizani prokurori ka marrë deklarimin tim dhe mendoj se çështja po ecën në drejtimin e duhur”, u shpreh Balla.
I pyetur në lidhje me “misterin” e ndërtimeve pa leje në mes të Tiranës, deputeti socialist u tregua u rezervuar, ndërsa përshëndeti punën e qeverisë, e cila sipas tij po i trajton qytetarët të barabartë para ligjit.
Pyetje: Misteri i ndërtimit të pallateve pa leje?
Balla: Unë t’u them se jam kreu i grupit të PS dhe nartyrëshëm që nuk të interferoj në cështje të zbatimit të ligjit, nuk dua të përmnd emra, por nuk ka asnjë lloj komenti dhe dua të përshëndes punën e bërë nga qeveria. Por të gjithë qytetarët presin që të gjithë para ligjit të jenë të barabartë.
