Kryetar i Grupit Parlamentar Socialist, Taulant Balla sot ndodhet për një vizitë në Kosovë, ku është takuar dhe me kryeministrin Albin Kurti.
Balla me anë të një postimi në rrjetet sociale shkruan se marrëveshjet e nënshkruara mes dy qeverive në Mbledhjen e Elbasanit ishin një hap i madh, teksa shkruan se nivelin e bashkëpunimit do ta forcojnë dhe në nivel të grupeve tona parlamentare.
“Prishtinë. Takim me Kryeministrin e Kosovës, Kryetarin e Vetëvendosjes @Albin Kurti. Marrëveshjet e nënshkruara mes dy qeverive në Mbledhjen e Elbasanit ishin një hap i madh në drejtim të lehtësimit të lëvizjes në dy anët e kufirit, njohjes së diplomave apo kontributeve të sigurimeve shoqërore dhe krijimit të hapsirave më të mëdha të bashkëpunimit ekonomik mes dy shteteve tona. Do të forcojmë bashkëpunimin edhe në nivel të grupeve tona parlamentare” shkruan Balla në postimin e tij.
