Superndeshja e javës së 26 e Kategorisë Superiore, Skënderbeu-Kukësi është mbyllur në barazim 1-1, duke i dhënë mundësi Partizanit të ngjitet në klasifikim, nëse do të fitojë me Korabin.
Latifi ishte autor i golit të parë në këtë takim për korçarët, duke lëshuar një goditje të pakapshme për portierin në minutën e 12 të pjesës së parë.
Edhe pas golit të parë, ishte sërish Skënderbeu më kërkues, por pa arritur të shënojë golin e dytë. Atëherë kur të gjithë menduan se ndeshja përfundoi me fitoren e korçarëve, Kale i Kukësit barazoi shifrat, duke bërë që edhe këtë herë Kukësi të largohet me pikë nga stadiumi i Korçës.
Barazimi i kësaj sfide i shkon përshtat Partizanit, i cili tashmë ka të gjitha mundësitë të barazojë me pikë Kukësin e vendit të parë.
