Neymar ka prishur çdo raport me drejtuesit e Paris Saint Germain dhe e ardhmja e tij me shumë gjasa nuk do të vazhdojë të jetë në Ligue 1.
Siç raporton gazeta katalanase “Sport”, braziliani u ka shprehur dëshirën për t’u larguar drejtuesve të PSG-së, ndërkohë që edhe trajneri Thomas Tuchel nuk e do më në skuadër, pasi është i lodhur nga sjellja dhe kapriçot e numrit 10, për më tepër që 27-vjeçari ka filluar të dëmtohet shumë shpesh.
Pak kohë më parë PSG-ja i ofroi rinovimin e kontratës yllit brazilian, por Neymar refuzoi dhe jo për çështje parash.
Barcelona po e monitoron me kujdes situatën në të cilën është përfshirë sulmuesi dhe blaugranat janë klubi që interesohen më tepër për Neymar.
Nga ana tjetër Tuchel pëlqen shumë brazilianin e Barçës, Coutinho, dhe një shkëmbim mes të dyve dhe disa miliona në favor të klubit francez mund të rezultojë një operacion mëse i mundshëm në këtë merkato.