Avokati, Spartak Ngjela, ka dhënë një intervistë për Fax News ku e quajti “fallco” të gjithë procesin e zgjedhjes së ish kryeministrit, Sali Berisha në krye të PD-së.
Ngjela tha se vendimi i marrë nga Agron Zhukri përnjohjen e kuvendit të 11 dhjetorit ishte një vendim fallco dhe prandaj vetë gjyqtari po rrezikonte të burgosej.
“Ata që thuhen se Berisha është zgjedhur kryetar, janë fallco, nuk kanë vlerë juridike. Ka 30 e ca vite që ky njeri nuk njeh ligjin. Jo që nuk e njeh, por nuk e kupton fare, ishte një rrangallë që u fut në politikën shqiptare nga njerëz të dyshimtë dhe nuk po del. Ku ka parti ai, nga e gjeti partinë? Partia është person juridik që e njeh gjykata. Ai gjyqtari, ai injoranti që ka bërë atë vendimin fallco për njohjen e 11 dhjetorit, ai rrezikon burgun.
Prandaj vonon Apeli tani se edhe Apeli në burg shkon nëse merr vendim si ai. Edhe sikur t’ja shpjegosh Saliut këtë, të thotë armik, por nuk fiton dot, vetëm sa po lodhet kot. Nuk e ka mundësinë të marrë PD-në, po të dojë le të formojë një parti tjetër. Është në luftë me SHBA-të, si mendoni ju do fitojë?”– tha Ngjela.
